МАКЕДОНСКО БИОЛОШКО ДРУШТВО

Тимот од Република Македонија освои 3 бронзени медали

на 15 Меѓународна јуниорска олимпијада по природни науки

Почитувани,

Ве известуваме дека нашиот тим кој учествуваше на 15. Меѓународна јуниорска олимпијада по природни науки која се одржа од 2 до 11 декември 2018 година во Габороне, Боцвана освои 3 бронзени медали.

Честитки за заедничкиот успех до учесниците, водачите и Друштвото на физичари на Република Македонија (ДФРМ), Сојузот на хемичари и технолози на Македонија (СХТМ) и Македонското биолошко друштво (МБД).

На олимпијадата учествуваа 46 земји од 5 континенти, односно околу 250 натпреварувачи (ученици помлади од шеснаесет години) и околу 150 водачи.

Македонскиот тим го сочинуваа:

Мила Ивановска, СОУ Гим. „Ј. Б. Тито“ – Битола (бронзен медал)
Дарко Стојчев, СОУ Гимназија „Добри Даскалов“ – Кавадарци (бронзен медал)
Димитар Џорлев, СОУ „Јане Сандански“ – Струмица (бронзен медал)
Бисера Јаневска, Приватна гимназија „Алгоритам“ - Центар
Дамјан Јанчевски, ПСУ „Јахја Кемал“ - Карпош
Мајкл Георгиевски, ООУ „Гоце Делчев“ - Кавадарци

Водачи на тимот:

Доц. д-р Ламбе Барандовски, ДФРМ
Проф. д-р Марина Стојановска, СХТМ
Дипл. мол. биолог Елена Рафаиловска, МБД

На свечената церемонија, медалите на учениците од Македонија ги додели неговата екселенција амбасадорот на Германија во Боцвана г-дин Ралф Брет, кој од 2005 до 2008 година беше Амбасадор на Германија во Македонија, а од 2011 до 2015 година амбасадорот Брет беше шеф на мисијата на ОБСЕ во Скопје.

Македонскиот тим го помогнаа Агенцијата за млади и спорт, Фондот за иновации и технолошки развој, градоначалниците на Кавадарци и на Петровец, Митко Јанчев и Борче Митевски, и фирмите „Кожувчанка“, „Вардар Доломит“ и „Витаминка“, како и 120 донатори од цел свет кои помогнаа во фондот на социјалните мрежи отворен од Анита Кузмановска-Фелдман, дипл. инж. по хемија која живее во САД.

Македонија оваа година учествува по вторпат на оваа престижна олимпијада, која од Министерството за образование и наука е категоризирана во листата на 13 значајни меѓународни натпреварувања.

Следната 16. Меѓународна јуниорска олимпијада по природни науки ќе се одржи од 3 до 12 декември 2019 година во Доха, Катар.

Скопје, 11.12.2018

Со почит,

Проф. д-р Боце Митревски Проф. д-р Зоран Здравковски Проф. д-р Сузана Ќовкаровска

Претседател на ДФРМ Претседател на СХТМ Диневска

Претседател на МБД

Благодарност

По повод 15-та Меѓународна Јуниорска Олимпијада по природни науки, која годинава се одржува од 2 до 11 декември во Габороне Боцвана, тимот ученици кој ќе ја преставува Република Македонија успеа да ги собере потребните средства за учество на истата. Тимот ученици и нивните ментори би сакале да се заблагодарат на финансиската подршка која ја добија од :

Агенција за спорт и млади на Република Македонија,

Фондот за иновации и технолошки развој на Република Македонија,

АД Витаминка од Прилеп,

Г-дин Митко Јанчев, градоначалник на општина Кавадарци,

Г-дин Борче Митевски, градоначалник на општина Петровец,

Кожувчанка од Кавадарци,

Вардар Доломит ДООЕЛ од Скопје.

Голема благодарност и до Дипл. инж по хемија Анита Кузмановска Фелдман која ја организираше доброволната акција за собирање на преостанатите потребни средства и за целосниот нејзин ангажман и посветеност.

Листата на донори кои го препознаа и подржаа потенцијалот на нашите учесници на

Меѓународната Јуниорска Олимпијада по природни науки, е дадена во документот ТУКА.

Паркингот означен со број 3 се наоѓа десно од горната зграда на Природно математичкиот факултет и има капацитет од 30 паркинг места. ОВОЈ ПАРКИНГ Е НАМЕНЕТ ЗА АВТОБУСИ И МИНИБУСИ.

Паркингот означен со број 4 се наоѓа пред горната зграда на Природно математичкиот факултет, и има капацитет од 50 до 60 паркинг места.ОВОЈ ПАРКИНГ Е НАМЕНЕТ САМО ЗА АВТОМОБИЛИ.

29.10.2018 год.

СООПШТЕНИЕ

Почитувани,

по барање на ментори и родители, го продолжуваме рокот за уплата на котизација за манифестацијата „Месец на науката“ за сите категории - до 2. ноември (петок).

за секој ученик–учесник - 300 денари

за наставник или ментор-учесник – 300 денари за еден ден од настанот.

МБД во име на организаторите на настанот

24.10.2018 год.

СООПШТЕНИЕ

Почитувани ученици и наставници,

Ве известуваме дека заврши рокот за пријавување и испраќање описи на демонстрации за учесниците од 1. до 6. одд (за 10. ноември) и за учесниците од 7. до 9. одд. (за 17. ноември).

Преостанува испраќање описи на демонстрации за учесниците од I до IV год. (за 24. ноември) до 26. октомври.

Изразуваме благодарност на сите ученици, ментори и наставници кои со своите експерименти, модели, симулации, истражувања и презентации или учество се вклучуваат во манифестацијата Ноември-Месец на науката 2018.

Ве потсетуваме на следниве информации:

Сите предвидени активности ќе бидат реализирани на Природно-математички факултет (горна зграда).
Времето предвидено за изведување на еден експеримент со вклучена дискусија со членовите на комисијата е околу 5 мин.
Учесниците што изведуваат експерименти треба да бидат присутни на означените работни места во периодот од 10 до 13 ч.
Наставниците кои се претставуваат со тема во врска со нивната наставна практика, подготвуваат презентација и времето на презентирање е 10−15 мин.).
Стручно/ научно-популарните предавања се отворени за сите регистрирани учесници.

Ве известуваме дека рокот за уплаќање на котизација е 26.октомври 2018 г.

за секој ученик–учесник - 300 денари

за наставник или ментор-учесник – 300 денари за еден ден од настанот.

По овој ден важи котизација од 500 ден. за еден учесник (наставник/ментор/ученик).

Во наредните денови ќе биде објавена конечната програма, а ќе бидат објавени и списоци со регистрирани учесници за првиот викенд (10.октомври).

Дополнителни информации во врска со самата организација и реализација на настанот ќе бидат испратени директно до учесниците (преку менторите).

Со почит,

МБД во име на

организаторите на манифестацијата

15.10.2018 год.

СООПШТЕНИЕ

за учениците, наставниците и сите заинтересирани за манифестацијата Ноември – месец на науката 2018,

Продолжување на рокот за пријавување

Почитувани,

За да излеземе во пресрет на сите заинтересирани за овој настан, по барање на повеќемина наставници, рокот за пријавување за учество на манифестацијата за сите категории (ученици од I до VI одд.; ученици од VII до IX одд.; ученици од I до IV година) се продолжува до 19. октомври 2018 година, до 15 часот.

Електронскиот формулар е достапен ТУКА
*Во формуларот е неопходно да го пополните полето ‚‚наслов на експеримент/демонстрација‘‘

Потсетуваме за роковите за доставување опис на експеримент/демонстрација:

19. октомври 2017 – за ученици од I до VI одд. (на e-mail: mesec.na.nauka@gmail.com)

22. октомври 2017 –за ученици од основно образование (на e-mail: mesec.na.nauka@gmail.com)
22. октомври 2017 –за наставници од основно образование – презентација за ментори (на e-mail: mesec.na.nauka@gmail.com)

26. октомври 2017 – за ученици од средно образование (на e-mail: mesec.na.nauka@gmail.com)
26. октомври 2017 –за наставници од средно образование – презентација за ментори (на e-mail: mesec.na.nauka@gmail.com) и

26. октомври 2017 – уплата на котизација – за сите категории регистрирани учесници.

Ве молиме да се почитуваат наведените термини. Пријави и уплати по овие датуми нема да бидат земени предвид и учесниците го губат правото на учество на настанот.

Ве информираме дека досега преку електронскиот формулар се регистрирани над 800 учесници за оваа манифестација.

МБД во име на организаторите се заблагодарува за покажаниот интерес, желбата за истражување, за проширување на знаењата и стекнување на нови пријателства.

Со почит,
МБД во име на организаторите на настанот

СООПШТЕНИЕ

Почитувани ученици, наставници и родители,

Ве повикуваме и оваа година да се вклучите во манифестацијата за популаризација на природните науки „Ноември - месец на науката“, во организација на Македонското биолошко друштво (МБД), Сојузот на хемичарите и технолозите на Македонија (СХТМ), Друштвото на физичарите на Република Македонија (ДФРМ), Сојуз на математичари на Македонија (СММ), Македонското географско друштво (МГД), Македонското астрономско друштво (МАД), Скопското астрономско друштво (САД), Македонското еколошко друштво (МЕД), Истражувачкото друштво на студенти биолози (ИДСБ) и Природно-математичкиот факултет (ПМФ).

Настанот е наменет за учениците од основните и средните училишта и наставниците по природни науки, биологија, хемија, географија и математика. Оваа година настанот ќе се одржува на Природно-математичкиот факултет во Скопје во текот на три дена во ноември 2018 година и тоа:

10. ноември за ученици од I-VI одделение
17. ноември за ученици од VII-IX одделение и
24. ноември за ученици од I-IV година

и ќе вклучува повеќе настани:

- научно-популарни предавања,

- натпревар во експеримент/изработка/ симулација/модел од ученик (во понатамошниот текст – експерименти),

- презентации на искуства од наставници,

- работилници,

- посета на лаборатории на ПМФ и

- други активности.

*Делот од настанот „Ноември - месец на науката“ од областа на физика за учениците од основните (8мо и 9то одделение) и средните училишта ќе се одржи во рамките на 42. Школа на млади физичари која ќе се одржи 9. и 10. ноември (информации за организација и пријавување: http://dfrm.org ).

За учество на настанот секој ученик и секој ментор/наставник треба да се пријави најдоцна до 15 октомври (понеделник) 2018 година со пополнување на електронска пријава ТУКА.

Пријавувањето ќе започне од 17. септември (понеделник).

Еден експеримент се изведува од еден или најмногу двајца ученици.

Во формуларите, покрај учениците се пријавуваат и менторите со пополнување на следните формулари:

пријава за експерименти 10. ноември за ученици од I-VI одделение. ТУКА

пријава за експерименти 17. ноември за ученици од VII-IX одделение. ТУКА

пријава за експерименти 24. ноември за ученици од I-IV година. ТУКА

Наставниците (освен како ментори) може да учествуваат со презентација со пополнување на соодветниот формулар за презентацијата даден погоре во текстот при што со една презентација се пријавува еден наставник.

Задолжително е пополување на образец со опис на експериментите (на учениците) или презентацијата (на наставниците) треба да се испрати на e-mail: mesec.na.nauka@gmail.com најдоцна

до 15. октомври (за основно - I - VI одд.)
до 22. октомври (за основно - VII, VIII и IX одд.) и
до 26. октомври (за средно).

За дополнителни информации испратете порака на mesec.na.nauka@gmail.com

Котизацијата за учество на настанот треба да се уплати најдоцна до 26.октомври 2018 година (петок) ,пример уплатница е дадена ТУКА. (за групна уплата да се достави список на дадениот e-mail) и изнесува:

за ученик – 300 денари и вклучува учество на еден ученик со еден експеримент. Ученик има право да се пријави на настанот без експеримент и да учествува во другите активности.
за наставник – 300 денари.

Секој ученик и секој наставник кој ќе учествува на „Ноември - месец на науката“ ќе добие сертификат за учество на настанот, а ќе бидат доделени дипломи и награди на најдобрите учесници на натпреварот во експериментите од одредена област, како и на нивните ментори.

ЗАЕДНО ДА УЧЕСТВУВАМЕ ВО АФИРМАЦИЈА НА НАШИТЕ НАУКИ!

Со почит,

Проф. д-р Сузана Диневска-Ќовкаровска, претседател на МБД
Проф. д-р Зоран Здравковски, претседател на СХТМ
Проф. д-р Боце Митревски, претседател на ДФРМ
Проф. д-р Алекса Малчески, претседател на СММ
Проф. д-р Билјана Апостоловска-Тошевска, претседател на МГД
Проф. д-р Олгица Кузмановска, претседател на МАД
Мартин Стојановски, претседател на САД
Проф. д-р Славчо Христовски, претседател на МЕД
Моника Димиќ, претседател на ИДСБ

Проф. д-р Ицко Ѓоргоски, декан на ПМФ

29. 5. 2018 год.

СООПШТЕНИЕ

На Првиот Селекционен натпревар по природни науки кој ќе се одржи на 22.06.2018 година во Голем физички амфитеатар - ПМФ - Горна зграда, со почеток од 10 часот, со одлука на Комисијата за IJSO се покануваат најдобро пласираните ученици на Државните натпревари по физика, хемија и биологија, како и сите ученици кои минатата година го сочинуваа резервниот тим и ги посетуваа подготовките на ПМФ.

Сите ученици кои планираат да учествуваат на овој натпревар своето учество треба да го потврдат со испраќање на електронска пошта на fizikanatprevari@gmail.com, најдоцна до 15.06.2018 година.

Со почит,

Друштво на физичари на Република Македонија
Сојуз на хемичари и технолози на Македонија
Македонско биолошко друштво

Kandidati za prv selekcionen natprevar IJSO 2018.pdf
Size : 75.857 Kb
Type : pdf

23. 5. 2018 год.

СООПШТЕНИЕ

Почитувани ученици и ментори,

конечните резултати од државниот натпревар по биологија за учениците во VII, VIII и IX одделение образование се достапни во делот НАТПРЕВАРИ 2018 - РЕЗУЛТАТИ.

Во прилог на ова соопштение ги објавуваме и критериумите за наградување на учесниците.

Со почит,

МБД

Soopstenie_Rezultati od drzaven natprevar 7 8 i 9 odd 2018.pdf
Size : 73.197 Kb
Type : pdf

22. 5. 2018 год.

СООПШТЕНИЕ

Почитувани ученици и ментори,

конечните резултати од државниот натпревар по биологија за учениците во I-ва , II-ра и III-та година средно образование се достапни во делот НАТПРЕВАРИ 2018 - РЕЗУЛТАТИ.

Во прилог на ова соопштение ги објавуваме и критериумите за наградување на учесниците.

Со почит,

МБД

Soopstenie - Rezultati od drzaven natprevar I, II, III g 2018.pdf
Size : 73.617 Kb
Type : pdf

14. 5. 2018 год.

СООПШТЕНИЕ

Почитувани ученици и ментори,

конечните резултати и одговорите на прашањата од државниот натпревар по биологија за учениците во IV-та година средно образование се достапни во делот НАТПРЕВАРИ 2018 - РЕЗУЛТАТИ.

Во прилог на ова соопштение ги објавуваме и критериумите за наградување на учесниците.

Со почит,

МБД

Soopstenie - Rezultati od drzaven natprevar IV g 2018.pdf
Size : 70.332 Kb
Type : pdf

JuniorskaOlimpijada_IJSO2018_Izvestuvanje_SelekcioniNatprevari.pdf
Size : 162.242 Kb
Type : pdf

9. 3. 2018 год.

СООПШТЕНИЕ

Почитувани ученици и ментори,

во врска со поклопувањето на терминот (31. март 2018 г.) за Регионалните натпревари по математика и биологија, Ве известуваме дека се поместуваат термините за натпреварите по биологија.

Новите термини за натпревари по биологија за основно и средно образование се следните:

Регионални натпревари - основно: 15. април (недела) 2018 г.; средно: 21. април (сабота) 2018 г.
Државен натпревар - 19. мај 2018 г.
Државен натпревар за IV година - 12. мај 2018 г.

Со почит,

Македонско биолошко друштво

24. 2. 2018 год.

Известување за
Меѓународната јуниорска олимпијада по природни науки
(International Junior Science Olympiad, IJSO) 2018

Почитувани ученици и ментори,

Меѓународната јуниорска олимпијада по природни науки е една од тринаесетте олимпијади категоризирани од Министерството за образование и наука како значајна меѓународна олимпијада за ученици од Република
Македонија и за постигнат успех на некоја од овие олимпијади МОН доделува стипендии на учениците. Ова е престижна олимпијада, добра можност за учениците да го покажат своето знаење, способности и вештини, како и споредба на секоја земја со останатите земји-учеснички.

Активностите во врска со олимпијадата се реализираат од страна на три здруженија: Друштвото на физичарите на Република Македонија (ДФРМ), Сојузот на хемичарите и технолозите на Македонија (СХТМ) и Македонското
биолошко друштво (МБД).

Планираните термини за престојните активности во врска со Меѓународна јуниорска олимпијада по природни науки (IJSO 2018) се следните:

- јуни/јули 2018 – прв селекционен натпревар за IJSO 2018 на ПМФ, Скопје
- август 2018 – втор селекционен натпревар за IJSO 2018 на ПМФ, Скопје
- септември–декември 2018 – подготовки на тимот за Олимпијада на ПМФ
- декември 2018 – учество на тимот од РМ на IJSO 2018

На првиот селекционен натпревар ќе бидат поканети најдобро пласираните ученици од натпреварите по физика, хемија и биологија од VIII и IX одд., но и најдобро пласираните ученици од трите натпревари од прва година кои до 31.12.2018 нема да наполнат 16 год.

Трите друштва ќе организираат селекција на учениците преку два селекциони натпревари, со тоа што на првиот селекционен натпревар ќе бидат дадени и задачи од математика кои ќе бидат непосредно поврзани со
проблемските прашања и задачи од физика, хемија и биологија кои бараат предзнаења од математика. На вториот селекционен натпревар ќе има прашања и задачи од физика, хемија и биологија.

Со почит,

Македонско биолошко друштво
Сојуз на хемичари и технолози на Македонија
Друштво на физичари на Република Македонија

IJSO 2018.pdf
Size : 90.212 Kb
Type : pdf